يوميات دكتور مخنوق
اللهم إرحم والدي (فتحي محمد علام) وإغفر له وإجعل مثواه جنة الفردوس مع الحبيب المصطفى (صلى الله عليه وسلم)
|
|
سحقاً لدنيا تفرق بين الأحباب
فقدتك يا أعز الناس ، فقدت الحب والطيبة .. وأنا من لي بها الدنيا سواك إن طالت الغيبة
معاناة×ألم .. هكذا هي الدنيا في كلمتين .. من يوم أن نولد إلى يوم أن نموت نعاني ونتألم وإن تعددت الأسباب .. كان بدايتنا في هذه الدنيا صرخة ، ونهايتنا صرخة .. بدايتنا صرخة عندما نولد نستقبل بها الدنيا .. ونهايتنا صرخة حزن وفراق من أحبابنا
فلم يابن آدم تتعلق وتتناحر على من لا تسبب لك إلا الألم ؟!!
أكتب هذا الموضوع وأنا في أقل حالاتي النفسية والمعنوية على الإطلاق ولست أدري ما السبب على وجه التحديد ، فعذراً على إسلوبي ومابه من أخطاء .. مشكلات صغيرة تجمعت مع بعضها البعض كرواسب وأدت إلى ما أنا فيه .. لو كانت كل منها على حدة ما أثرت أبداً في ، ولكن كما يقول القدماء المصائب لا تأتي فرادى أبداً .. أحاول الخروج من هذه الحالة ومقاومتها منذ أكثر من شهرين ولكن كانت القشة التي قصمت ظهر البعير
رواسب صغيرة تترسب تدريجياً في نفس الإنسان دون أن يدري ويظن أنه تخلص منها ، حتى يأتي اليوم الذي يجد نفسه محطماً ويفاجأ بأن هذه الرواسب تحولت إلى ما يشبه الوحش الذي يلتهمه من الداخل ، ويجعله إنسان خاوي بلا هدف في هذه الحياة .. وما أظن أن هناك أفجع من أن يكون الإنسان ما إلا هيكل خارجي بلا قلب وبلا أمل وبلا هدف
لا يهم مقدار ما تواجه من ألم ومعاناة طالما كان بجانبك صديق أو حبيب أو أخ يدعمك بكل ما لديه حتى بروحه وحياته ، فعندها تهون المصاعب .. ولكن حينما تجد نفسك وحيداً ، وتجد المصاعب تواجهك من كل صوب ، فياله من شعور لا يوصف بالوحدة والضياع وفقدان الأمل .. وكم فقدت من صديق وأخ وحبيب كانوا خير دعم لي في هذه الدنيا
دنيا نفقد فيها من نحب ونعشق ، وما أظن أن هناك خسارة مثل هذه أبداً .. رحلة نقضيها نفقد فيها الكثير في كل محطة منها .. تارة نفقد صديق ، وتارة أخرى نفقد قريب ، وما أجد أشد إلا من فراق الحبيب .. رحلة نقضيها مرغمين إلى أن تأتي محطتنا التي نغادر وننهي فيها هذه الرحلة ، وننتقل من دار ذل وخوف إلى دار أمن وأمان وراحة بال .. رحلة في نهايتها يتجمع الأحباب إلى أبد الآبدين بإذن الله
مشكلات كثيرة مرت علي خلال الفترة القليلة الماضية ، مشاكل ومصاعب في كل مكان سواء في البيت (مرض والدي) ، أو في الكلية والدراسة العقيمة بإسلوب عفى عليه الزمن ، أو من المعيشة عامة وما نراه من إرتفاع للأسعار وإهانة وإذلال للإنسان المصري والعربي والمسلم في وقت تأخذ فيه الحيوانات كافة حقوقها في الغرب الذي لا يحترم الإنسان !!
ولكن كما قلت كل المشاكل والصعاب تهون إذا وجدت من يساندك ويدعمك ويخفف عنك ، ولكن إذا فقدته كانت النهاية والطامة الكبرى .. فمن سيدعمك بعد ذلك ؟!! من الذي سيستمع إلى شكواك وهمومك ؟!! من الذي سيدفعك دفعاً للأمل ويبعد عنك الهم ؟!! من أين لي بمن يشعر بما أعاني ولو لم يكن معي ؟!! من أين لي بمن كان أقرب لي من نفسي ؟!!
كل المصائب في الدنيا تهون إلا فراق الحبيب .. فراق أصعب من فراق الروح للجسد ، فإذا فارقت الروح الجسد إرتاح الإنسان من همود الدنيا ومشاكلها .. أما فقدان الحبيب ما يسبب إلا المزيد من الألم والعذاب ، فقد فقد الإنسان نفسه وذاته وروحه ومازال على قيد الحياة يعاني ويعاني
هكذا هي الدنيا دار معاناة وألم ، ولا تأني أي جهد في تنغيص عيشة الإنسان بشتى الطرق وما أشدها حين تختار أصعب الطرق فعلاً ، أن تأخذ منك حبيب قريب .. ولتكتمل مهمة الدنيا على نجاح فهي لا تأخذه بالموت ، ولكن تبعده الظروف والأقدار عنك ، فيكون فراق أصعب من فراق الموت .. فحين يموت حبيب تستعوض ربك فيه ، وتسأل الله أن يجمعكما في الدار الآخرة على خير .. أما إن كانت الأخرى فتعلم أنه هناك يعيش في مكان ما ولكن لا تستطيع الوصول ولا القرب منه .. فما أشده فعلاً من فراق
كلنا نعلم أن الدنيا تدير ظهرها لمن يسعى لطلبها ، وأنها تأتي صاغرة لمن أدار ظهرها له .. فلماذا تدير ظهرها لمن لا يطلب إلا أقل القليل ؛ الأمن والحب والامان ؟!! لا أسأل مال ولا جاه ولا سلطان ، فالحمد لله على ما أنعم به علينا ، ونعلم علم اليقين بأن رزقنا آت لنا لا محالة ، ولا نسعى للحصول على ما ليس لنا .. فلم تحاربنا هذه الدنيا ؟!! لماذا تنغص علينا حياتنا ؟!! لماذا تسعي بكل ما أوتت من قوة -وما أقواها- بأن تحطمنا وتجعلنا أشباه بشر ؟!!
وإن كانت هذه هي الدنيا - دار ألم ومعاناة - فلم يابن آدم تسعى جاهداً من أجلها ومن أجل الحصول عليها ؟!! لماذا تتناحر وتتقاتل مع أخيك من أجل أشياء هي أبخس ما تكون ؟!! لماذا تخسر الحبيب قبل الغريب من أجل متاع زائف ؟!! لماذا تتنازل عن ماكانت مبادئ لك لاتحيد عنها في الماضي من أجل حقارة زائلة ؟!! لماذا يابن آدم وأنت تعلم أنه لا يملأ عينك إلا التراب ؟!!
لم أريد ولا أريد شيئاً من هذه الدنيا ومتاعها إلا راحة البال والضمير ، وأن أجدني محاطاً بأحبابي ، ولكن تأبى الدنيا ذلك على !! فإن أدارت لي الدنيا ظهرها ، فلن أكون أفضل منها وسأدير لها ظهري .. لن أبحث عن أي متاع بعد الآن إلا ما يكفي لعيش الإنسان وسأستعوض الرحمن الرحيم فيما فقدت عسى أن يعوضني خيراً منه يوم القيامة ، يوم تقوم الأشهاد
لحظات ضحك كالبكاء أقضيها مع البشر .. أضحك أمامهم وقلبي يبكي دماً من الفراق وألم الفراق .. أضحك لأنه حين تضحك تجد الجميع حولك ، ولكن حين تبكي لا يلتفت إليك أحداً ويتركونك تبكي وحيداً .. لم يشعر بي إلا سواك ، فكنت تعلم ما في قلبي دون أن أنطق .. كنت تعلم ما يؤلمني دون أن أخبرك .. كنت تواسيني وتحاول إسعادي بكل ما تملك .. كان ضحكي معاك من قلبي لأني شعرت بالأمن والأمان .. لم يشعر بي إلا سواك
ولكن جل ما أندم عليه هو ما ضيعت من لحظات بعيداً عمن أحب .. لحظات لم أقضيها في قربه .. لحظات مشاحنة وخصام .. لحظات صمت وسكون ونحن مع بعضنا البعض .. لحظات أندم عليها أشد الندم وأتمنى لو يعود بنا الزمن لأعوضها وأستغلها ، ولكن هيهات يابن آدم ماكان لك أن يكون ما تتمناه .. ما فات قد فات وإنقضى ولا سبيل إليه مرة أخرى .. هي فرصة واحدة تأتي أمامك فإما أن تحسن إستغلالها ، وإما أن تندم عليها فيما بعد وقت لا ينفع الندم
إلى كل من يقرأ هذا ، إستغل كل لحظة وثانية تكون فيها بالقرب ممن تحب .. لا تجعل للكراهية إلى قلبك سبيلاً .. إجعل كل لحظة معه كأنها عمر كامل من السعادة والحب والحنان .. إجعل حياتك وحياته كلها أمل وحنين .. لا تتكبر ولا تخجل من أن تقول لمن تحب إني أحبك ، فطالما كان الحب في الله وليس من أجل غرض دنيوي فلا تخجل عسى أن يجمع الله بينكما في ظله يوم لا ظل إلا ظله
يامن تقرأ هذه لا تسأل من الدنيا إلا ما يكفي رحلتك فيها فقط .. فما فائدة ما تجمع وتكنز من مال ومتاع وأنت تفقد كل يوم الكثير والكثير دون أن تدري .. ماذا سيفعل لك ما كنزت حين تفقد من يحبك وتحبه وأنت بعيد عنه ؟!! ماذا سيفعل لك ما كنزت حين تمرض فلا تجد بجانبك أحبائك وأقرانك ؟!! بل ماذا سيفعل لك ما كنزت إذا حان وقت رحيلك فلا تجد معك إلا ما عملت حاضراَ ؟!! في ثانية تخلى عنك ما ضيعت عمرك كله من أجل جمعه ، وكم خاصمت حبيب وصديق من أجل من تخلى عنك !!
وإلى من فقدت ، إعلم أني أحبك ولا أطلب من هذه الدنيا إلا نظرة إليك تخفف مما أعاني .. إعلم أني نادم على كل ما فات من فراق وأتمنى لو يكتب لنا اللقاء مرة أخرى لأعوضك عما فات .. إعلم أنه ما من شئ حطمني إلا فراقك .. إعلم أني أحبك
لو يعد عمر الانسان بلحظات السعاده ، فاكتبوا على قبرى لم يولد
تحت تصنيف كأننا بشر |
23 تعليق
بسم الله الرحمن الرحيم
السلام عليكم ورحمه الله وصلى الله على سيدنا محمد عليه افضل الصلاه والسلام
كم احزنتنى كلماتك يا محمد واحسست بتقصيرى ناحيتك ولكن اهديك هذه الادعيه لعلها تكون وسيلتك فى فك همك وكربك وكن مع الله عسى ان يجلى عنك الهم والحزن.
عن ابن مسعود عن النبي صلى الله عليه وسلم قال ما أصاب عبدا هم ولا حزن فقال : اللهم إني عبدك ابن عبدك ابن أمتك ناصيتي بيدك ماض في حكمك عدل في قضاؤك أسألك بكل اسم هو لك سميت به نفسك أو أنزلته في كتابك أو علمته أحدا من خلقك أو استأثرت به في علم الغيب عندك أن تجعل القرآن العظيم ربيع قلبي ونور صدري وجلاء حزني وذهاب همي إلا أذهب الله حزنه وهمه وأبدله مكانه فرحا .
صدق رسول الله صلى الله عليه وسلم
والسلام عليكم ورحمه الله وبركاته
حبيب قلبى انت عارف طبعا راى وانا عارفه انك اقوى بكتير من الالم ده
وبعدين انت مش لوحدك اختك الكبيرة القصيرة جنبك اللى هو انا احم احم ههههههههه
بجد انت عارف انت ايه عندى
بلاش النظرة الانهزاميه دى وفى النهايه هى اللى خسرانه واوعى تزعل نفسك
وانت قد كل الهموم دى نفضها عنك بقى
السلام عليك محمد
كتبت كثيييييرا وضاع منى ما كتبت .. سبحان الله
كنت فيما كتبت على ما أتذكر انك جاوبت ووجدت لنفسك حلا لما هى فيه
ولترجع معى لما كتبته انت فى بداية التوبيك
فلم يابن آدم تتعلق وتتناحر على من لا تسبب لك إلا الألم ؟!!
فلماذا يا محمد
لماذا تتناحر وتتعلق مع نفسك بكل أسباب الألم
لماذا لا تبحث عن موضع همومك
لماذا لا تهاجمها فتدفعها عنك
ان كان منك اخى او فيك الم فلا تبتئس
ولا تعد بذكريات المك وماضيك
ولا تبحث ماذا فى القادم
ولكن كن حاضرك
ولتبحث فى كل الم
ان كان من تعب والدك فهذا مما ابتلاك به الله ليس انت وحدك وانما اسرتك كلها
ولكن انت من عليه ان يكون صامدا
ومن عليه ان يتحمل لاجلهم
وان كان من فراق الصحب والاصدقاء واخرين
فعليك ان تبحث لعذر لهم لان قوة تحملهم تفرق عنك وعن اخرين
واذكر مثال ذلك نفسى عندما ظننت مثلك انه لم يبق حولى من احد ولا احد يدرى ما بى ولا احد عاد يتحملنى
وركنت لغرفتى وبكيت كثيرا وتالمت طويلا لكنى لم احاول ان ابوح لاحد بما انا فيه ولم اتحمل من احد يزيد على ما انا فيه
لذلك ليس عليك ان تركن الا لله واعلم ان من حولك يحبونك ويقدرونك لكن يختلفون عنك
اما عن حبك محمد
فانت أنانى
نعم أنانى
لانك ما رايت حب الاخرين من حولك انما اردت حبك انت وفقط
لم تر كيف يحبك من حولك ويتمنون انفسهم بديلا لنفسك تضحية وانت تقول لهم عفوا فانا لا ارغب الا بها
يا محمد … ان عابك الاخرون وان جرحوك وان المتك نفسك لانها لم تجد ما تريد
فابحث عن الحب الحقيقى الذى تجده من والدك .. والدتك .. اخيك .. اختك .. اصدقائك ..
خطؤنا اننا نريد المزيد
نعاتب الاخرين جميعهم على وسيلتهم فى حبنا ولا نطلب الا وسيلتنا نحن
ان انت تحب حقا فاثبت ذلك بتضحيتك ولكن كل بمقدار ما يعوزه منك
فلتضحى لاجل حب والدبك اكثر من تضحيتك بحزنك لحبها
كن لاجلهم سعيدا
ونفض عن حزنك
واصرف كل ماضى وكل مستحيل
واضغط على كل هم وكل الم واصرفه عنك
كن عاليا محمد .. لا تطلب الا ساميا
وما اسمى رد فعلك لحب ارادك ان تكون الافضل دائما
لمرة ثانية ادعوك الا تكن انانيا .. لان هناك من يحتاجك .. فليس الوقت لان تقول نفسى ولا احد يفهمنى وهناك من يقول لك نفسى فداك
ارجع السعادة فيك تكن بين اهلك وذويك
وضحى بحبك لاجل حبهم وتضحيتهم
فانت سند لهم قوى فلا تجعل قواهم تخر بضعفك ولكن اجعلهم اقوى ولا يحتاجون احدا ما دمت انت قوى
ولا تقل لم اعش او اريد ماضيا او ان الالم اطيب لى
وكن بواقع الحال وليس بوهم نفسك وحزنك
ليس من مكان لحزنك الان
فكل الناس لا يعجبها حال الدراسة
وكلهم لا يعجبهم حال انفسهم وبعد ذويهم
ولا احد يرتاح من بيت فيه الم
وكل منا يحمل بداخله طييييات من الالم
كل ذلك يجعل من البشر من هم اكثر منك هما
ولكنهم افضل منك لانهم لا يدعون للهم ان يتزادي او يكسرهم ويكسر احدا اخر
لانهم يضحون من اجل من تحمل ويتحمل كل شىء لاجله
فلا تشتكى
فلا حق لك أن تشتكى
بل ان شكواك مذلة لنفسك
لان حولك الكثير ولكن يحتاج منك ان ترفع عينيك من بين راحتيك وان تنظر فى ابعد من كل هذه الهموم
واعتبر ان همومك اشواكا تحيط سجنك
ولان تريد الخروج فلابد لن ان تشتاك وتسكب الالم وان تنزع من لحم جسدك
ولكن عليك ان تسرع لتخرج من سجنك
ان تسرع لئلا تحيطك الاشواك ثانية
ومهما كان نزيفك ومهما كانت صابتك فيوما ما ستندمل
ولكن عليك ان تسرع قليلا والا تقف مكتوف العقل واليدين عن الخروج
وجميل ما اورد د.البدرى
ولتستعين به وبالقرءان وحب الاخرين
ولتقل يارب احفظنى وقونى انت رجائى .. الى من تكلنى .. الى ضعيف يتجهمنى .. ام الى قوى ملكته امرى … ان لم يكن منك غضب على فلا ابالى … ولكنها رحمتك أرجوك فاعف عنى واغفر لى وثبتنى
سلام عليك أخى العزيز .. صانك الله من شرور نفسك وحفظك واودعك البصيرة لترى باعين من يحبوك لا بعينيك التى ترغب لنفسها فقط
اول مره يا علام متبعتليش لنك التدوينه الجديده لاكون اول من يرد عليك
الاول السلام عليكم
هبتدي كلامي بالدعاء ده
اللي في قلبه عذاب او جرح طيبهوله ….واللي مداقش الهنا والفرح دوقهوله ….يارب
واللي غريب عن داره واللي اختار مشوار…حلي يارب مراره
وهون غربته صبر دمعته مانت حبيب الكل يارب
نتكلم بقي
اولا يا علام طريقة كلامك يعكس واقعك هتقلي ازاي
انت عرفت ان الدنيا فانيه وان الدنيا بمعني اقرب علمت عليك
وللاسف بشكل او باخر حطمتك …….
عاوزك تعرف اللي انت فيه وانا وغيري وغيري دا مش اكتر من ابتلاء يا صاحبي
يبقي نعمل ايه
يبقي نصبر نحمد ربنا علي كل حال نرضي …مش تقلي هنعزل
بالعكس اصبر وقاوم واتحمل وخلي الدنيا هيا اللي تجيلك راكعه
لو كل واحد عمل اللي انت بتعمله ……يبقي قول علينا يالا السلامه
انت كده زي النعام بتخاف تواجه بتدفن راسك في التراب
عارف انك صبرت كتير واتحملت كتير علشان مرض والدك مش لشيء تاني
الكليه عليك وعليا وعلي غيري بالطول بالعرض رضينا ام ابينا هنقضيها
انت مقصرتش مع ابوك زي ما قلتلك والكل بيشهدلك بكده والكل صعبان عليهم حالك
لان فعلا المرض بيذل بس زي ما قلتلك دا مش اكتر من ابتلاء
يبقي تحمد ربنا وتعبده وتدعي لوالدك بالشفاء
عاوز تنعزل في البيت دا حتي ربنا بيقلك اسعي يا عبد وانا اسعي معاك ديننا عباده وعمل
لو عايز تهدم نفسك بنفسك خليك في اللي الهبل اللي انت بتعمله ده
وفعلا لو عايز تثبتلنا ان الدنيا فانيه يبقي تطنش وتعيش بس مفتاح الاخره هو عمايلك في الدنيا
صلي يا علام واستهدي بالله وبلاش شغل العيال الصغيره دي
انا عدي عليا نفس الفتره تقريبا جبت اخري من الحياه وما فيها بس منعزلتش زيك كده وحطيت ايدي علي خدي استني الفرج
انا قلتلك اللي عندي
في انتظار ردة فعلك وعايزك تدي للدنيا كاتش كدر في الالولو
يعني عيش مادام انت بتعمل اللي عليك ومش مقصر في حاجه من ناحية والدك خلاص
بس باللي انت بتعمله ده بتثبت للكل انك مقصر في حقك ربك لان مفيش مؤمن يعمل كده
وبطل نوم بقي هستناك بكره عالموقف
تمانيه الا ربع هركب اخر عربيه اوكش
ربنا يهدينا جميعا ويلهمنا الصبر والسلوان ويشفي كل مريض
بحبك والله
السلام عليكم ورحمه الله وبركاته
انا كنت اتمنى يكون لى السبق فى الرد على الموضوع ده بس مفيش نصيب
اخى الجميل والحبيب محمد احب فى الاول انى ادعو لوالدك بالشفاء ان شاء الله
هذا الوالد الجميل اللى اتمنى ارسل له كل برقيات الشكر والتقدير لانه انجب الينا انسان قلما تواجد فى هذه الدنيا
حقيقى يا محمد انا مش عارفه اقولك ايه بس انا شايفه ان الحاله ديه مؤقته وبتمر بينا كلنا وان انت بتسطر لينا وصف لمشاعر وحاله مؤقته انت عايشها حالياً وان شاء الله هتنتهى قريب جداً لو انت حاولت تتجاهلها
اخى الحبيب محمد انت مرض والدك ده ابتلاء من الله ربنا يعفيه منه يا رب وما عليك الا الصبر والاحتساب وان شاء الله ربنا هيقدرك ويعينك واحنا كلنا حاسين انت اد ايه صلب وبتتحمل مصاعب كتير على اد ما انت كده على اد ما انت كتله مشاعر واحاسيس متوهجه مش قادر تتحمل بعد حبيبك عنك
بس انت هنا متشائم اوى ومتخيل انك فقدت حبيبك بس لو فعلاً بتحبه وهو بيحبك يبقى ما فقدتهوش لان ما ينفعش حد فيكم يفقد التانى ولا يفترق عن التانى الا فى حاله الموت
وحاول تشوف الجانب الكويس من الموضوع وتتذكر لحظات السعادة اللي عشتها معاه وتخليها قدامك على طول وتهون عليك ألم الفراق
كنت اود ان اسطر عشرات السطور ولكن لن يجدى الكلام فى شىء
فأنتر القادم اخى الحبيب ولا تيأس من لقاء حبيك المفقود كما ذكرت فكما يقول الشاعر قد يجمع الله شمل الشتيتين بعد أن يظنا كل الظن أن لا تلاقيا
فمن يعثر على كنز متمثل فى انسان ملائكى مثلك من الصعب جدا ان يتخلى عنه او يسمح لنفسه بفقدانه بسهوله
عارف ياد يا طويل اول مره اقرا موضوع ليك انا عمري ما بخش واقرا وانت عارف
بس حبيت اقولك انا عارف اللي انت بتقوله ربنا يعينك واكيد حتعدي بس بجد دايما
الحاحات بتبقى ورا بعض بعد كده ربنا حيفرجها بأذنه ان شاء الله عن تجربه والله
انت عارف انا عارف اللي انت فيه ومجرب الحكايه ديه بس هي المشكله توقيتها معاك
بس عامة ياد يا محمد سيبك حرفك على ست ستها ان شاء الله وانت عارف الكاشف مبيكدبش
زي القطنه بالظبط بس قول يا رب الاقيلك المقاس بتاعك هو صعب شويه بس لو ملقيناش
ححاول استورده ليك والحمدلله الله اعلم ايه السبب بس ياريت يكوت ليا دور انك مش تقطع عن الناس وتقفل الموبيل وبتاع الموضوع مش كده لازم تواجه عشان تعدي وبعدين مهو انت لافف معايا وعارف بقى قول يارب بكره نعملك اعلان والسما تمطر حبايب ليك
المهم بجد اول موضوع ليك يستاهل الرد بجد مش حكاية هزار اهو انااحب المواضيع اللي تستاهل ويارب مستنيين الموضوع التاني لما تلاقي اللي افضل منها ويعوضك عنها ان شاء الله
ملحزظه هامه : انا حذرتك يا محمد مني قبل كده هههههه انت عارف الدنيا غداره مش كنت انا اولى كنت قلي وانا اقوملك بالواجب كده تفرق ما بيننا وبعدين انت عارف اخلاصي لصحابي اد ايه هههههههههه اشوفك بكره يازرافتنا بقى
ايه يا كاشف انت شغال خاطبه هههههههه
ايه رايك ياض يا ابو كاشف نجوزه البنت الاموره ام عيون خضره ؟؟ مع انها خساره فيه
دع الأيام تفعل ما تشاء وطب نفسا اذا حكم القضاء
ولا تجزع لحادثة الليالي فما لحوادث الدنيا بقاء
وكن رجلا على الأهوال جلدا وشيمتك السماحة والوفاء
وإن كثرت عيوبك في البرايا وسرك ان يكون لها غطاء
تستر بالسخاء فكل عيب يغطيه كما قيل السخاء
ولا تر للأعادي قط ذلا فإن شماتة الأعداء بلاء
ولا ترج السماحة من بخيل فما في النار للظمآن ماء
ورزقك ليس ينقصه التأني وليس يزيد في الرزق العناء
ولا حزن يدوم ولا سرور ولا بؤس عليكم ولا رخاء
إذا ماكنت ذا قلب قنوع فأنت ومالك الدنيا سواء
ومن نزلت بساحته المنايا فلا أرض تقيه ولا سماء
وأرض الله واسعة ولكن إذا نزل القضا ضاق الفضاء
من ابيات الامام الشافعي
اية يا عم محمد .. ليه يعنى كل دا .. دا أنت لسه بتقول مفيش حاجة تستاهل .. خليك أقرب لربنا يا محمد و ساعتها دا هيعوضك عن كل حاجة و هيصبرك علي كل حاجة.
ومهما كان الابتلاء اللي أنت فيه فاحنا عارفين عنك انك راجل و ان شاء الله تقدر تتحمل .. و زي ما أنت قلت ان الدنيا دار هموم ومش لازم نجري وراها .. استنى نصيبك ومتستعجلش .. نصيبك هيجيلك لحد عندك .. و احبابك هما أصحابك .. مش هتلاقى زيهم و احنا منقدرش نسيبك انت أو غيرك لوحدك أبدا .. الحمد لله احنا دايما مع بعض .. و ربنا العالم احنا بنحبك أد اية خصوصا لأنك من يوم ما عرفناك بتثبتلنا انك راجل تتحمل المسئولية و انك فعلا انسان محترم .. متشلش حاجة في نفسك .. أكيد ان الموضوع مسألة وقت وان شاء الله ربنا يهديك و ترجع لطبيعتك و متسألش تانى ليه الدنيا عاملة كذا ولا كذا .. قول الحمد لله دايما واستغفر ربنا .. و بلاش جملة اكتبوا علي قبره لم يولد دي .. بلاشها خالص .. ياسيدي ربنا يديك طولة العمر و بعدين افتكر لحظات النجاح اللي انت عشتها .. افتكر لحظات انتصارك علي نفسك .. افتكر كل لحظة حلوة عشتها مع اصحابك .. مع بيتك .. مع كل حد قريب منك .. افتكر كل لحظة قربت فيها من ربنا ودعيت وقلت يارب .. هي دي السعادة .. و متقولش انك معشتهاش.
الحمد لله يا محمد علي كل حال .. واعرف ان مش الدنيا اللي بتختارلك .. كل حاجة بإيد ربنا .. خلي عندك يقين في ربنا انه دايما سبحانه وتعالي بيختارلك الخير .. وكتير جدا مبنفهمش ان هو دا الخير .. لكن بيجي علينا اليوم ونقول الحمد لله فعلا دا كان الأفضل ليا
مش عاوز أشوفك بتكتب باللهجة دي تانى .. أصلي بأخاف منك وانت بتكتب بالفصحى .. وبعدين مفيش أي شكر وتقدير للمجهود اللي الماوس بتاعى بذله معاك .. فين الصداقة بقا يا عم علام ..
ربنا يهديك و يكرمك في والدك و والدتك .. ويارب يقربك من كل عزيز عليك
ايه ياعم علام الاسلوب ده في الكتابه
انا متعوده اضحك وانا بقرالك اي حاجه
الموضوع ده عدى علينا كلنا
ويمكن مازلنا عايشين في فراق احبابنا
انا واثقه اني اي حد مر بالموقف ده
لكن مين فينا عداه بسلام ومين فينا وقف وقال خلاص نهايه الدنيا جات
لازم تقوى
وزي ماصحابك قالولك وانا قلتلك قبل كده
موضوع والدك هو ابتلاء وانت لازم تصبر
واللي ربنا بيحبه بيبتليه عشان يشوف قوه صبره في الدنيا على الابتلاء ده قد ايه
يلله بقى ورينا ضحكتك من تاني
وعاوزين نشوف الموضوع الجاي باسلوب تاني خالص
وموضوعي ياعلام انا بقولك قصاد الناس اهو
ده حياتي ولازم ينزل يعني لازم
وحسابك على جنب انك تنزل موضوع ليك قبل ليا
ماشي ياميدو
روق بقى
والله ياد يا طويل الموضوع عميق جدا خصوصا مع ارتفاع الأسعار دلوقتي انا عارف ان بتاعة التنجان اللي بتحبها مش حترضى تبيع ليكم بسعر كويس بعد كده غير الميزان وكده بس قول يارب السوق كبير وقول يارب الموضع زي شجرة المانجا بالظبط كله هيكبر بس متستعجلش
وبعدين يعني ايه يعني فتكات مشيت في حسنات فيه عدلات الجموع كتير بس انت شاور انا حتى لسه شايفلك حلم وفرحتك بيه بتاع اتصالات الدنيا لسه بخير وسلملي على المدونه
للطوخي باشا فعلا خساره فيه البنوته عينيها تستاهلك انت مش عايز اقول انا يعني انت عارف انا انسان متواضع جدا جدا جدا هههههههههه
ولطه باشا فعلا عندك حق لازم يفتكر لحظات النصر ولما عبرنا ورفعنا العلم وتأميم القناه وسلملي على عمو جمال عبد الناصر برده هههههههههه مش قصدي حاجه عشان متوجش دماغي يا مخنوق انت قصدي يا ميدو اصلي بتكسف ادلعك انت عارف انا خجول جدا جدا جدا هههههههههههه
ليه كده بس يا محمد
“” استعن بالله ولا تعجز “”
طبعا مش هاقدر أقول كلام بعد اللي اتقال
see these pics
http://www6.0zz0.com/2008/03/27/14/194368410.jpg
http://www6.0zz0.com/2008/03/27/14/379114530.jpg
http://www6.0zz0.com/2008/03/27/14/551207548.jpg
—————————-
بسم الله الرحمن الرحيم
علي فكرة دي اول مرة ادخل الموقع وعلي فكرة بردو انا اسف لاني فعلا مش بعمل بالصداقة اللي بينا بس من حسن حظي ان ليا اعذاري
واحب ابدا كلامي بقول الماثور ضاقت فلما استحكمت حلقاتها فرجت وكنت اظنها لا تفرج كلنا بنمر بظروف صعبة بي هاقولك حاجة اذا ارت شيئا بقوة فاطلق سراحه فان عاد اليك فهو ملك لك ما حييت وان لم يعد اليك فهو لم يكن لك من البداية هي دي الحياه لازم تدخل في تجارب وتفوز وتخسر والمهم انك تتعلم من اللي خسرته دي اهم حاجة لان فيه ناس كتير بتخسر بس للاسف مش بتتعلم من اللي خسروه الحمد لله مؤخرا الواحد بدا يتعلم من اللي بيخسره وبدا يشعر بالفرق انت بجد كلام من اخوك الصغير محمد الاعرج انت اخ كبير وعزير واللي سابك هو فعلا اللي خسران انت مخسرتش حاجة بالعكس دانت ممكن تكون كسبت حاجات كتير واخر نصيحة من اخوك الصغير حب اللي تحبك واللي تختارك مش اللي انت تختارها
واخر كلامي سلام
طبعا انا معنديش حاجه ازودها غير اني استشهد بالمطرب الصاعد الواعد شعبولا وهو بيقول اغنيته المشهوره (انا اللي يبيعني ابيعه مندمش في يوم عليه وااايييييه) وبعدين ايه حبة مشاكل عبيطه يعني تعمل فيك كده المهم انا عجبني الزجل ده ونقلتهولك يا عيني لو عدو الحلوين بس بحذر
الشوق لا يرحم ولا بيلين ولا يوم عذر
اسناني وقعت من النباتين ولا يوم عذر
والخيبه ان مفيش فيتامين غير في الجزر
معادله صعبه وعايزه عقول تحسب لها
ودنيا ماشيه ومش معقول هنسيبلها
عايزه اللي يلعب عرض وطول علي حبلها
وقول يا قلبي ما كنت بتقول من قبلها
كبرنا والايام بتفوت عايزين نحب
وقلبي مش ناوي علي سكووت
عمال يدب يقولي قبل ماطق واموت
اغطس وقب وهاتلي قلب ولو هلفووت
يفتحلي عب
يا قلبي يكفي ملام وعتاب
احنا في هنا
لا يوم وقعنا في هوا كداب
انته وانا ولا يوم قاسينا من الاحباب
هجر وضني وسالني سؤال وعايزله جواب
من كام سنه هوه صحيح الهوي غلاب
معرفش انا
تحياتي ليك يا محمد اتمنالك كل خير ومفيش حد هياخد بايدك غير نفسك والي لقاء باذن الله
اولا سلام عليكم
الموضوع حاولت اقراه كذا مره وكنت بصراحه ببعد عنه لاكابته الشديده ولانى مش كنت ناقصه بس خلاص هرد
طبعا الكل رد عليك بكرم جميل اوى ولو حاولت تنفذه باذن الله هتبقى احسن
بالنسبه ليا هقولك على حاجه
مش تسال ليه بنعرف حد واحنا مقدر لنا نسيبه او نبعد عنه ده سؤال مش فى حد هيقدر يجاوبلك عليه
لكن لما تحب حد اوى مش تزعل على بعده بدام غصب عنك او عنه وافتكر دايما اللحظات الجميله والحاجات الجميله اللى اتعلمتها منه هتلاقى نفسك بتضحك ومبسوط
افتكر انه اداك حاجات جميله مفيش حد يقدر ياخدها منك ابدا
واذا كنت فى يوم من الايام عرفت حد وحبيته اوى وافتكرت ان مفيش بعده ولا قبله وان بعده مفيش دنيا تبقى اسمحلى غلطان
بكره تعرف ناس اجمل واجمل يمكن مش بنفس الدرجه ويمكن اكتر من الدرجه اللى انت حاستها
وفى الاخر وبعد الرغى دا كله
احنا عايشين وهنفضل عايشين لحد ما يقضى ربنا قضاؤه فينا
ف عيش الدنيا وحاول تخرج منها وانت كسبان
ثق فى نفسك انك احسن من الدنيا وانك اللى هتغلبها
وطبعا فوق كل شئ ثق فى الله وخليك على يقين
وربنا يفك كربك وينور بصيرتك
إنا لله و إنا اليه راجعون
أنا عارف انك كتبت الموضوع ده قبل وفاة المغفور له والدك لكن ما لقيتش الا الموضوع هنا اعزيك فيه
ربنا يرحمه و يجعل صبره على مرضه في ميزان حسناته
و يجعل منزلته الجنة و يرزقه جوار الصديقين و الشهداء و الصالحين
ربنا يصبر ك يا محمد و البقاء لله
رأيت مثل د.شريف ان افضل توبيك هو هذا التوبيك
رحم الله والدك وأسكنه الفردوس وجعله فى الشهداء
ومنحكم شفاعته وان تكونوا معه فى دار الخلد
البقاء لله محمد
زادك الله صبرا وجعلك أخا أقوى وسند لاخويك ووالدتك
السلام عليكم ورحمة الله وبركاته اخى الكريم لقد لمست كلماتكم الجرح الذى لم يلتأم بعد وراحت عباراتكم تسيل الدمع من عينى …ما اقساها لحظات الفراق حين يسيطر الالم على كيانك وتخضع حواسك له حينها تصبح عائش وانت ميتاً مبصر لكنك لاترى ..وكأن عقارب قلبك قد توقفت وجسدك ينتظر ان يمد احد يديه كى يفيقه من ذلك الحلم لكن عقلك يصدم بأرض الواقع انه الحقيقه التى لاريب فيها انه الموت فراق بلا رجعه ووداع الى الابد ..حقاً انه شعور لايحس به الا من ذاق المه اذكر اننى قد قمت بالرد على موضوع عن الفراق لكننى وبعد ان ذقت مرارته… بعد ان اسرت فى معقل الالم ..اجد حواسى هى التى ترد على كلماتك ..ومع كل هذا الاحساس الذى اغرقنا فى ظلمة الالم.. اجدها تنير حياتنا تدواى جراحنا انها انا لله وانا اليه راجعون عدة الصابرين فى وجه الحزن والانين ..وما يحزنهم وهم الفائزين ..بصلوات المولى رب العالمين ..جعلنى الله واياكم منهم اجمعين
السلام عليكم ورحمه الله وبركاته اخي نحن لانملك الا ان نقول الحمد لله فقد لكني بجد اصابني الضيق والالم بسبب كلماتك الحزينه والي صحت فيا جراح والله جراح وربما تكون ابكتني وانزلت الدمع من عيني ولكن لابد من النسيان وقول الحمد لله اخوك محمد كاكا
السلام عليكم ورحمه الله وبركاته ….
لا اجد تعليق على هذه الكلمات غير لا اله الا الله وحده لا شريك له له الملك وله الحمد يحي ويمين وهو على كل شئ قدير
كلمات تدل على سمو نفسك يادكتورمحمد وقوة طرحك الرائع الذي امتعني ولامس كل ماااحس به علافراق من احب
:: اضف تعليق ::
|
|
|
ابكتنى كلماتك ..لامست جروح قررت ان اضمدها وخيل لى ان بمرور الايام ربما تزول ..تناسيت همومى ..وسرعان ما تعود ..يااااااااااااااه يا محمد ..ما فى شئ فى الحياة الفانية يستحق كل هذا الالم وكل هذه المشاعر الشجينة.. ولا تهيم روحك الطيبة ..بل الجا الى الله تعالى هو ارحم بنا جميعا ..وهون عليك يا اخى ..نحن نحزن وتتداولنا اللحظات كى تقوى وتتعلم ..وتتذوق المرارة حتى عندما تضحك تعرف معنى السعادة ..وطالما انك ارضيت ربك ولم تخطئ ..وان اخطات اعتذرت وندمت ..هذا كاف..وكلنا مفارقون من نحب عاجلا ام آجلا ..تلك هى الحياة لو تعطيك شئ.. لاخذت مقابله كل شئ ..وفكر فقط ان سعادتك فى اسعاد من حولك ..حتى لو سالت دموعك كالسيل المنهمر ..يكفى انك صانع بسمة تزيد حسناتك وتذهب بحلوها شوكة من شوكات الجراح ..وتجلد فالقوى منا ساعة حزنه وضعفه يكتم المه ويهب يواجه ويقتحم ..انت بشر يا اخى فلتحزن وتبكى وتتالم ولكن لا تطيل لعل العمر اتية فيه البسمات فرحمة الله واسعة ..فقد قال جل شانه
قل يا عبادى الذين اسرفوا على انفسهم لا تقنطوا من رحمة الله
ونحن جميعا معك لو فقدت عزيز ..لا يزال من يتمنى سعادتك ويضحى من اجلها
والاسمى ان تعطى ولا تنتظر الجزاء ..اطلت عليك عذرا ..اردت ان اسطر الكثير لكن حار قلمى وتاهت كلماتى امام خضم مشاعرك ونحيب سطورك ..عفى الله والدك وامد فى عمره وبارك فيك ومن تحب جميعا ..والكلية ده هم علينا كلنا ولا تضايق نفسك ربنا يسهلها وكلنا معك وتحت امرك هتعدى وباحسن حال ان شاء الله
فكر ملياوبانتظار عودة ..محمد علام ..من يخفف عنا ومن يرسم بسمتنا
اعظم انتصار للمرء انتصاره على نفسه ..وابتسم حين ينتظر الجميع ان تبكى
تحياتى واعتذر لاطالتى لكنك ما شاء الله موهبه جديدة نكتشفها فيك ..هتنافسنا بقى ونقعد فى بيوتنا ..اتمنى انى ما اثقلت عليك وان تبتسم ابدا ويزيل الله همك ويفرج كربك ويكرمك ويجمعنا جميعا فى جناته ..ففى الله اجتمعنا وفى حبه نفترق يا اخى الصغير ..بانتظار بسمتك وعودتك ..وختام القى عليك السلام